Veprimtaria sportive në vite

52 vjet pranë futbollit

-Interviste me mjeshtrin e sportit Kosta Koça-

Nositi – Cila eshte fillesa juaj ne sport ?

Pergjigje – Ne moshen 15-vjecare ne vitin 1949 , jam inkuadruar ne ekipin e te rinjve te “Skenderbeut” nen drejtimin e mjeshtrit te merituar te sportit , babait tone sportive , Tato Bimbli . Me kete ekip ne vitet e paharrueshme per mua , 1949 , 1950 , 1951 fituam per tre vjet rresht titullin kampion kombetar . Bashke me mua ne kete ekip luanin edhe te mirenjohurit Stavri Lubonja , Maqo Prodani ,Viktor Prodani, Miço Papadhopulli etj .

Por eshte per t’u theksuar se gjate kesaj periudhe jam marre dhe me sportet e bukura te atletikes e boksit . Ne garat e atletikes per disiplinat 400 , 800 , 1500 m , kam qene kampion kombetar per te rinj . Kurse ne boks per vitet 1951 – 1952 kam dale tre here kampion kombetar per te rinj e per te rritur . Veçoj ketu ndeshjen e fituar me boksierin e forte beratas Jonuz Saraçi , qe ishte mbajtes I titullit “kampion”. Ne vitin 1952 , ne kampionatin kombetar te te rinjve ne boks munda bindshem Fadil Tahirin dhe Fadil Dervishin , duke u shpallur perseri kampion dhe duke plotesuar kushtet per titullin “mjeshter sporti” , qe nuk mu dha, per arsye qe nuk dua ti permend, por qe per cdo njeri jane te kuptueshme .

Si futbollist titular kam luajtur nga viti 1949 e deri ne vitin 1968, per me shume se 18 vjet , duke qene futbollisti korçar me jetegjatesi me te madhe. Nga viti 1969 e ne vashdim kam punuar si trajner me femijet , klasat sportive te futbollit , ekipet e te rinjve dhe te rriturve .

Nositi – Tifozeria korçare ju mban mend si sulmues te shpejte dhe goleador. Ç’mund ten a thoni per kete ?

Pergjigje – Per kete mund te flasin ata qe me kane ndjekur ne ndeshje , un ne çdo ndeshje jam munduar te jap maksimumin .

Nositi – Ç’mendim keni per kampionatin kombetar te vitit 1977-1978 ?

Pergjigje – Ka qene nje “Skenderbe” kampion qe per çudi te te gjitheve dhe jashte çdo llogjike , me rregulloren fantazme shtese , duke e bere kampionatin me tre faza , FSHF nxjerr kampione “Dinamon” dhe shpeton nga renia ne kategorine e dyte te Tiranes (“17 Nentorin e atehershem”).

Nositi – Cilin lojtar keni preferuar ne vite ?

Pergjigje – Jane disa , si R. Resmja , P. Pano , por dhe korçaret K.Dinella , J.Kaçi e Dh.Xhambazi .

Nositi – Cili eshte aktiviteti juaj si trajner ?

Pergjigje – Qysh nga viti 1968 per shtate vjet rresht isha trajner I te rinjve te “Skenderbeut” , duke rivalizuar vazhdimisht me e kipin e te rinjve te “Shkendise” , per vend te pare e te dyte . Nga te rinjte e kesaj periudhe dolen shume futbolliste cilesore , ndermjet te cileve veçoj Dh.Xhambazin , J.Kaçin , P.Foton , V.Thimion , P.Qirjazin , A.Arapin , V.Kaçanin , P.Tolen , A.Burden , R.Priftin , G.Muhaxhirin , Gj.Avramushin , Gj.Liken , M.Floqin , G.Rapon , e mbi te gjithe te paarritshmin Milutin Kerçiç .

Nositi – Çe mundon Kosten per ç’ka bere e ben per futbollin ?

Pergjigje – Asgje . Gjithmone kam dhene sa kam mundur si futbollist e si trajner . Megjithate diçka e vogel me mundon . Jam caktuar trajner I ekipit te pare te “Skenderbeut” vetem kur ai ishte ne krizen e renies ne kategorine e dyte ose ishte ne kete kategori , ndersa kur kishte rezultate te mira me menjanonin me shume xhentilece . Po ashtu dhe dhenia e titullit “mjeshter sporti” per mua ka qene shume I vonuar (ne vitin 1995) megjithate keto nuk kane ndryshuar asgje ne jeten time . Punoj gjithnje me pasion e deshire , edhe pse jam 68 vjeç . Per mua futbolli eshte gjithcka .

Nositi – Aktualisht ç’ben Kosta Koça ?

Pergjigje – Jam pensionist , por jo larg pasionit tim madhor qe me mban gjalle , futbollit . Stervis qe prej disa muajsh ekipin e te rinjve te “Skenderbeut” , qe besoj se shume vone do te ushqeje ekipin e pare me lojtare cilesore .

Nositi – Ç’mendim keni per gjendjen e “Skenderbeut” sot ?

Pergjigje – Veshtire eshte t’i pergjigjesh kesaj pyetjeje , por mund te them se ne krahasim me fazen e pare , ekipi pati rritje . Megjithate I konsideroj te vonuara masat e marra per rekuperimin e tij .

Ju falemderit

Intervistoi :

N.P

Kam besim tek keta djem te talentuar

(Bisede me “Mjeshtrin e Sportit” . Kosta Koça)

 

-          Sa  vjeç  jeni  mjeshter ?

-          I kam lene pas 61 vjetet , megjithate nuk e di se si ju dukem , por jam I forte ende .

-          Nga keto vite sa I perkasin sportit ?

-          Behen 46 vjet qe nuk  jam ndare nga jeta sportive , dhe mos harro jam ne vashdim ende .

-          Atehere cili eshte viti me I shkelqyer I jetes suaj sportive ?

-          Jane vitet 1949-1952 . Ne keto vite jam tri here kampion kombetar ne boks , tri here kampion kombetar ne futboll me te rinjte si dhe dy here kampion kombetar ne garat 400 e  800 metra si dhe rekordmen ne garat e 1000 e 1500 metrave ne atletike , pa llogaritur ketu vendet e para ne krose te ndryshme kombetare .

-          Ne boks me kujtoni njerin prej kundershtareve tuaj ?

-          Qe nga Ahmet Golemi e me pas Jonuz Saraqi kampion kombetar e pas tyre Fadil Dervishi qe per mua ka qene nje ndeshje e paperseritshme .

-          Me teper keni deshire te kujtoni vitet e boksit , atletikes  apo futbollit ?

-          Padiskutim vitet e futbollit , jane vertet vite te bukura .

-          Ndeshja juaj e pare nderkombetare ?

-          Ajo e vitit 1956 ne Korçe me “Ruda Zvezda” te Benes dhe kemi fituar nje me zero me nje gol te mrekullueshem te Gaqo Lares .

-          Me perfaqesuesen keni luajtur ?

-          Grumbulluar disa here , por luajtur jo per arsye biografike .

-          Nje mbrojtes qe ka luajtur fort me ju ?

-          Te gjithe me kane markuar eger , por mbi te gjithe Xhevdet Shaqiri .

-          Nje lojtar qe ju ka mbetur ne kujtese ?

-          Pse nje , disa . Per kohen kur luaja une jane dy Refik Resmja e Panajot Pano , ndersa me pas korçaret Koço Dinella , Jani Kaçi e Dhimitraq Xhambazi te paarritshem .

-          Nje ndeshje qe nuk largohet nga kujtesa juaj ?

-          Jane shume te tilla , por une po kujtoj takimin me Dinamon ne vitin 1953 , takim I cili ka perfunduar me barazim nje me nje , me gol te realizuar nga une .

-          Çfare ju kujton viti 1977-78 ?

-          Nje “Skenderbe” te shkelqyer nje skuader kampione , por qe eshte rrezuar me çudi nga rregullore fantazem qe do te prodhoje vetem federate per te nxjerre kampione Dinamon e te shpetoje 17 Nentorin nga kategoria .

-          Po viti 1978-1979 ?

-          “Skenderbeun” ne kategori te dyte pas perjashtimit nga dy klube e te disa futbollisteve nga organizata baze e partise e klubit .

-          Ne ekipin tuaj ka patur perhere shtytje berrylash tek trajneret . Pse ?

-          (qesh) Ajo ka qene ana me negative per ekipin . Trajneret jo se I preferonin keto berryla , por te tjeret I kane perdorur me marifet ato .

-          Dhe kush ka humbur ketu lojtaret , trajneret , klubi apo … ?

-          Te gjithe nga pak , Korça me shume se te tjeret . Trajneret viheshin nga zyra e komitetit te partise . Njehere shkoj  e vajti dhe trajner do te viheshe nje specialist atletike . Sektori I futbollit kurr nuk ka patur drejtues specialist futbolli , por deri gjimnastike .

-          Kur ju kane larguar per here te fundit si trajner ?

-          Ne vitin 1985 e me pas ne vitin 1989 .

-          Nje here keni krijuar nje ekip model me klasat sportive . Perse e bete kete si detyre apo per ego profesionale ?

-          (Perseri qesh) – Thjesht pasioni . Kisha deshire ta mbyllja me nje ekip model jeten time sportive .

-          Dhe ne fakt ju nuk e mbyllet , pasi tashme jeni trajner me ekipin e pare ?

-          Te them te drejten tani punoj I qete , ndjej kenaqesi sesa lodhje .

-          Tashme duket se eshte realizuar endrra juaj dhe e Jani Kaçit , pra rihyrja e “Skenderbeut” ne kategori te pare ?

-          Donim patjeter si risjellim sportdashesve korçar perseri ato emocione sportive qe I kishin munguar per disa vite me rradhe .

-          Keni besim qe “Skenderbeu” nuk do te filloje perseri avazin e njohur te levizjes sa ne te paren e pastaj ne te dyten ?

-          Momentalisht jane krijuar mjaft ekipe me djem te talentuar , ndaj them se nuk do ta pesojme me . Duhet dhe fat ne futboll qe per fat te keq ne pak kemi patur … edhe atehere kur e kemi menduar veten kampion .

-          Cili nga lojtaret ju fal me teper kenaqesi tani ?

-          Te gjithe , nuk mund te veçoj .

-          Ne jeten tuaj sportive çfare ju ka bere me shume pershtypje ?

-          Qe u mesova me rregullsi ne jeten time sportive dhe private . Kete ma beri sporti .

-          Koha e lire me se mbushet nga ju ?

-          Vetem shetitjet ne natyre me ngopin , asgje tjeter .

-          Alkooli sa vend ze , ose votka ne veçanti si pije e preferuar ne Korçe ?

-          Jo , jo , jo , madje jo vetem alokooli , por as cigarja .

-          Si ndjehesh tani “Mjeshter sporti” ?

-          Nuk ka ndryshuar asgje ne jeten time ky titull I vonuar .

-          Nje pension special per Kosta Koçen eshte I tepert ?

-          I tepert jo qe jo , por per domosdoshmeri them se te tjeret qe merren me keto pune te kujdes biografine time sportive e pastaj te vendosin . Them se nuk duhet te ma japin pas vdekjes nje te tille .

 

Bisedoi    Tonin Froku